BE.302 Logu no.71
BINSAR MA MANOGOT ON

Ayat 1
Binsar ma manogot on O panondang ni Jahowa
Sai sondangi hami on Asa bali sian roha
Sasude na holom i BaenonMi

Ayat 2
Doshon nambur ma basaM Manonggopi rohanami
Asa asi ni rohaM Mamuati arsaknami
Sai apoi siseanMon Hami on.

Ayat 3
Dohot holong ni rohaM Manungguli tondinami
Mangihuthon tu hataM Lam holong ma rohanami
Mida Ho dohot sude Jolma pe.

Ayat 4
Mudar parpadanan i, I ma hatigorannami
Asa roha dosa i Pinabali sian hami
Jala dao na bernit pe sasude.

Ayat 5
Sondang sian surgo i Binsar tu tanomannami
Molo jumpang ariMi Asa hehe dagingnami
Masuk tu halasan ni Roha i.

Ayat 6
Jesus, Ho panondang i Sai patiur langkanami
Sian partangisan i Tu silas ni rohanami
Jambar na manongtong di Surgo i.
